சென்னை: நாளையுடன் பணிஓய்வு பெறவுள்ள டிஜிபிக்கள் சங்கர் ஜிவால் மற்றும் சைலேஷ் குமாருக்கான பிரிவு உபச்சார விழா நேற்று நடைபெற்றது.தமிழக சட்டம்-ஒழுங்கு டிஜிபி சங்கர் ஜிவால் நாளையுடன் (31-ம் தேதி) பணிஓய்வு பெறுகிறார். இதேபோல், மற்றொரு டிஜிபியான, தமிழ்நாடு போலீஸ் ஹவுசிங் கார்பரேசன் லிமிடெட் தலைவராக இருந்த சைலேஷ் குமார் யாதவும் நாளையுடன் பணிஓய்வு பெறுகிறார்.
இதையொட்டி இருவருக்கும் பணிநிறைவு பாராட்டு விழா மற்றும் பிரிவு உபச்சார விழா சென்னையில் நேற்று நடைபெற்றது. போலீஸ் உயர் அதிகாரிகள் மற்றும் ஓய்வுபெற்ற போலீஸ் அதிகாரிகள் உட்பட ஏராளமானோர் இதில் பங்கேற்று பாராட்டி பேசினர். இதையடுத்து, இருவருக்கும் போலீஸாரின் அணிவகுப்பு மரியாதை நடைபெற்றது. அதை ஏற்றுக் கொண்டபின் சங்கர் ஜிவால் பேசும்போது நன்றி தெரிவித்தார்.
