இந்திய கம்யூனிஸ்ட் கட்சியின் மூத்த தலைவர் நல்லகண்ணு, 22.08.2025 அன்று வீட்டில் தவறி விழுந்த காரணத்தினால் தலையிலும், கைவிரலிலும் சிறிய அளவிலான காயங்கள் ஏற்பட்டது. உடனடியாக அவரது குடும்பத்தினர் அவரை தனியார் மருத்துவமனையில் அனுமதித்தனர்.
24.08.2025 அன்று மாலை அவர் உணவருந்தும்போது உணவுக்குழாயில் புரை ஏறியதால் மூச்சுத்திணறல் ஏற்பட்டு, இரவு 10.30 மணிக்கு மேல்சிகிச்சை தேவைப்பட்ட நேரத்தில் சென்னை ராஜீவ் காந்தி அரசு பொது மருத்துவமனையில் அனுமதிக்கப்பட்டார்.
தற்போது மருத்துவக் குழுவின் பரிந்துரைப்படி அவருக்குச் செயற்கை சுவாசம் அளிக்கப்பட்டிருக்கிறது.
இந்நிலையில் நல்லகண்ணுவை சென்னை ராஜீவ் காந்தி அரசு பொது மருத்துவமனைக்குச் சென்று நேரில் பார்த்து அவர்களின் குடும்பத்தினரிடம் நலம் விசாரித்திருக்கிறார் முதல்வர் ஸ்டாலின்.
இதுகுறித்து எக்ஸ் தளத்தில் பதிவிட்டுள்ள முதல்வர் ஸ்டாலின், “தகைசால் தமிழர் தோழர் நல்லகண்ணு அய்யா அவர்களது உடல்நலன் குறித்து மருத்துவர்கள், அவரது குடும்பத்தினர் மற்றும் தோழர் முத்தரசன் உள்ளிட்ட தோழர்களிடமும் நேரில் கேட்டறிந்தேன்” என்று பதிவிட்டிருக்கிறார்.
தகைசால் தமிழர் தோழர் நல்லகண்ணு அய்யா அவர்களது உடல்நலன் குறித்து மருத்துவர்கள், அவரது குடும்பத்தினர் மற்றும் தோழர் முத்தரசன் உள்ளிட்ட தோழர்களிடமும் நேரில் கேட்டறிந்தேன். pic.twitter.com/SCkxeFuMeQ
— M.K.Stalin (@mkstalin) August 29, 2025
இந்திய கம்யூனிஸ்ட் மாநிலச் செயலாளர் முத்தரசன், “நல்லகண்ணுவைப் பார்த்து முதல்வர் ஸ்டாலின் வணக்கம் சொன்னபோது, அவரும் அதைப் புரிந்துகொண்டு பதிலுக்கு வணக்கம் சொன்னார். நேற்று இருந்ததைவிடவும் இன்று நல்லகண்ணு அவர்களின் உடல்நலம் நன்றாக முன்னேறியிருக்கிறது. கொஞ்சம் கொஞ்சமாக நல்ல உடல்நலம் பெற்று மீண்டு வருவார் என்று எதிர்பார்க்கிறோம்” என்று கூறியிருக்கிறார்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும் https://bit.ly/3OITqxs
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3OITqxs
