பாட்னா: நேபாளம் வழியாக பிஹாருக்குள் பாகிஸ்தானின் ஜெய்ஷ் இ முகமது தீவிரவாதிகள் 3 பேர் ஊடுருவி உள்ளனர். அவர்களின் புகைப்படங்களை போலீஸார் வெளியிட்டு உள்ளனர். அவர்களை கண்டுபிடிக்க மாநிலம் முழுவதும் தீவிர தேடுதல் வேட்டை நடத்தப்பட்டு வருகிறது.
வரும் அக்டோபர் அல்லது நவம்பரில் பிஹார் சட்டப்பேரவைத் தேர்தல் நடைபெறும் என்று எதிர்பார்க்கப்படுகிறது. இதையொட்டி பல்வேறு கட்சிகளின் தலைவர்கள் இப்போதே தீவிர பிரச்சாரத்தில் ஈடுபட்டு வருகின்றனர். மக்களவை எதிர்க்கட்சித் தலைவர் ராகுல் காந்தி பிஹார் முழுவதும் வாகன பேரணி நடத்தி வருகிறார். அவரோடு ராஷ்டிரிய ஜனதா தளம் கட்சியின் தலைவர்களும் இணைந்து உள்ளனர்.
