தஞ்சாவூர்: “2006 தேர்தலில் விஜயகாந்த் தாக்கத்தை ஏற்படுத்தியது போல, 2026 தேர்தலில் விஜய் தாக்கத்தை ஏற்படுத்துவார்” என அமமுக பொதுச் செயலாளர் டிடிவி தினகரன் கணித்துள்ளார்.
தஞ்சாவூரில் திருமண விழாவில் இன்று பங்கேற்ற டிடிவி தினகரன், பின்னர் செய்தியாளர்களிடம் கூறியது: “பல்வேறு மொழிகள் பேசும் – வேற்றுமையில் ஒற்றுமை நிலவும் இந்தியாவில் எந்த மொழியில் பேசுகிறோம் என்பது முக்கியமல்ல. மறைந்த முன்னாள் முதல்வர் ஜெயலலிதா குறித்து யார் அவதூறு பேசினாலும் அது வன்மையாக கண்டிக்கத்தக்கது.
