சென்னை: கோட்டூர்புரத்திலுள்ள முதலமைச்சரின் உதவி மையதுக்கு நேரில் சென்று பார்வையிட்டு, அதன் செயல்பாடுகள் குறித்து முதல்வர் மு.க.ஸ்டாலின் கேட்டறிந்தார்.
இது குறித்து அரசு வெளியிட்ட செய்திக் குறிப்பு: முதல்வரின் உதவி மையம், 1100 என்ற கட்டணமில்லா தொலைபேசி எண்ணுடன், சென்னை, கோட்டூர்புரத்தில் ஏப்ரல் -2024 முதல் செயல்பட்டுவருகிறது. இம்மையம் தினமும் 16 மணி நேரம், மூன்று முறை மாற்றுப் பணிகளில் (shifts), காலை 6:00 மணி முதல் இரவு 10:00 மணி வரை, 120 பணியாளர்களுடன், வாரத்தின் ஏழு நாட்களும் தொடர்ச்சியாக செயல்பட்டு வருகிறது.
