இந்தி நடிகர் ஷாருக்கான், இப்போது ‘கிங்’ என்ற படத்தில் நடித்து வருகிறார். இதை ‘பதான்’ படத்தை இயக்கிய சித்தார்த் ஆனந்த் இயக்குகிறார்.
இதில் தீபிகா படுகோன், அபிஷேக் பச்சன் உள்பட பலர் நடிக்கின்றனர். இதன் சண்டைக்காட்சி படப்பிடிப்பு மும்பையில் உள்ள கோல்டன் டொபாக்கோ ஸ்டூடியோவில் நடந்த போது, எதிர்பாராத விதமாக ஷாருக்கானுக்கு தோள்பட்டையில் பலத்த காயம் ஏற்பட்டது. அவர் சிகிச்சைக்காகத் தனது குழுவுடன் அமெரிக்கா சென்றார். சிகிச்சை முடிந்து சமீபத்தில் மும்பை திரும்பினார்.
