விசாகப்பட்டினம்: ஆந்திர மாநிலத்தில் வெல்டிங் கடையில் காஸ் சிலிண்டர் வெடித்ததில் கடை உரிமையாளர் உட்பட 3 பேர் உயிரிழந்தனர். ஆந்திர மாநிலம் விசாகப்பட்டினத்தில் துறைமுகம் அருகே உள்ள புக்கா வீதியில் கணேஷ் (45) என்பவர் வெல்டிங் கடை வைத்திருந்தார். இவர் மீன்பிடி படகுகளுக்கு வெல்டிங் செய்து கொடுத்து வந்தார்.
இந்நிலையில நேற்று முன்தினம் இரவு கணேஷ் மற்றும் 4 ஊழியர்கள் கடையில் வெல்டிங் பணியில் ஈடுபட்டிருந்தனர். அப்போது திடீரென காஸ் சிலிண்டர் வெடித்ததில் கணேஷ், ஊழியர் ஸ்ரீனு (32) ஆகிய இருவரும் அதே இடத்தில் பரிதாபமாக உயிரிழந்தனர். மேலும், முத்தியாலு, எல்லாஜி, சன்னாசி ராவ், பக்கத்து கடைக்காரர் ரங்காராவ் ஆகியோர் படுகாயம் அடைந்தனர்.
