மதுரை: எப்எல்-2 உரிமம் பெற்று நடத்தப்படும் மனமகிழ் மன்றங்களில் சட்டவிரோதமாக மது விற்பனை தொடர்பாக நடவடிக்கை எடுக்க உயர் நீதிமன்றம் உத்தரவிட்டுள்ளது.
திருச்சி கருமண்டபத்தை சேர்ந்த ஸ்ரீனிவாசன், உயர்நீதிமன்ற மதுரை அமர்வில் தாக்கல் செய்த மனு: திருச்சி பிரதான சாலைகளில் மனமகிழ் மன்றங்கள் என்ற பெயரில் எப்எல்-2 உரிமம் பெற்ற மதுபான கூடங்கள் செயல்பட்டு வருகின்றன. தமிழகம் முழுவதும் 300 மனமகிழ் மன்றங்கள் உள்ள நிலையில் திருச்சியில் மட்டும் 13 மனமகிழ் மன்றங்கள் உள்ளன. மதுவிலக்கு துறை தகவல் படி பார்த்தால் தமிழகத்தில் 125 எப்எல்-2 உரிமம் பெற்ற மதுபான கூடங்கள் செயல்படுகிறது.
