புதுடெல்லி: ஜம்மு காஷ்மீர் முன்னாள் ஆளுநர் சத்யபால் மாலிக் (79) சிறுநீரகக் கோளாறு காரணமாக டெல்லியில் உள்ள ராம் மனோகர் லோகியா மருத்துவமனையில் அனுமதிக்கப்பட்டிருந்தார். இந்நிலையில் சிகிச்சை பலனின்றி நேற்று மதியம் காலமானார்.
உ.பி.யின் பாக்பத் மாவட்டத்தை சேர்ந்த ஜாட் தலைவரான சத்யபால் மாலிக், முதல் முறையாக சவுத்ரி சரண் சிங்கின் பாரதிய கிரந்தி தளம் சார்பில் 1974-ல் எம்எல்ஏ ஆனார். பிறகு ஜனதா தளம், காங்கிரஸ், சமாஜ்வாதி கட்சிகளுக்கு மாறினார்.
