சென்னை: தமிழகத்தில் கடந்த 1967, 1977-ம் ஆண்டு தேர்தலை போல 2026 சட்டப்பேரவை தேர்தலும் அமையும் என தவெக தலைவர் விஜய் தெரிவித்துள்ளார். தவெக சார்பில் ‘மை டிவிகே’ எனும் உறுப்பினர் சேர்க்கை செயலி அறிமுக விழா கட்சி தலைமை அலுவலகத்தில் நேற்று நடந்தது. இதில் செயலியை விஜய் அறிமுகம் செய்து வைத்தார்.
தொடர்ந்து, ‘ஊருக்கு ஊர், வீதிக்கு வீதி, வீட்டுக்கு வீடு வெற்றிப் பேரணியில் தமிழ்நாடு’ என்ற பிரச்சாரத்தை தொடங்கி வைத்தார். அப்போது, ஒரே குடும்பத்தைச் சேர்ந்த 3 தலைமுறையினருக்கு உறுப்பினர் அடையாள அட்டையை விஜய் வழங்கினார்.
