Divya Deshmukh: "இறுதிப்போட்டியை வரலாறாக மாற்றிய இந்தியப் பெண்கள்" – ராகுல் காந்தி வாழ்த்து

July 28, 2025
NewsEditor
General
0

ஜார்ஜியாவில் நடைபெற்ற மகளிர் உலக செஸ் சாம்பியன்ஷிப் தொடரில் வெற்றிபெற்று, உலக சாம்பியன் ஆன முதல் இந்தியப் பெண் என்ற சாதனையைப் படைத்துள்ளார் திவ்யா தேஷ்முக்.

இறுதிப்போட்டியில் மற்றொரு இந்தியரான கோனேரு ஹம்பியை வீழ்த்தியிருக்கிறார். இந்தப் போட்டி தொடங்கும் முன்னரே இந்தியப் பெண் ஒருவர் சாதனைப் படைப்பது உறுதியாகியிருந்தது குறிப்பிடத்தக்கது.

திவ்யா மற்றும் கோனேரு ஆகிய இருவரும் 2024 செஸ் ஒலிம்பியாட்டில் தங்கம் வென்ற இந்திய அணியில் முக்கியப் பங்கு வகித்திருந்தனர். இன்றைய வெற்றியைத் தொடர்ந்து மகாராஷ்டிராவைச் சேர்ந்த 19 வயது பெண் திவ்யா தேஷ்முக்-வுக்கு உலகம் முழுவதிலுமிருந்து வாழ்த்து மழை பொழிந்து வருகிறது.

“Divya Deshmukh-ஐ நினைத்துப் பெருமையடைகிறேன்” – மோடி

அந்த வகையில் இந்தியப் பிரதமர் நரேந்திர மோடி, “இரண்டு சிறந்த இந்திய செஸ் வீராங்கனைகள் பங்கேற்ற வரலாற்றுச் சிறப்பு மிக்க இறுதிப்போட்டி!

2025 ஆம் ஆண்டுக்கான FIDE மகளிர் உலக சதுரங்க சாம்பியன் பட்டம் வென்ற இளம் வீராங்கனை திவ்யா தேஷ்முக்கை நினைத்துப் பெருமையடைகிறேன். பல இளைஞர்களுக்கு ஊக்கமளிக்கும் அவரது இந்தக் குறிப்பிடத்தக்கச் சாதனைக்காக வாழ்த்துகிறேன்.

இந்த சாம்பியன்ஷிப் தொடர் முழுவதும் கோனேரு ஹம்பி அபாரமான திறமையை வெளிப்படுத்தினார்.

இரண்டு வீராங்கனைகளின் எதிர்கால முயற்சிகள் வெற்றிபெற வாழ்த்துக்கள்” எனப் பாராட்டியுள்ளார்.

A historic final featuring two outstanding Indian chess players!

Proud of the young Divya Deshmukh on becoming FIDE Women's World Chess Champion 2025. Congratulations to her for this remarkable feat, which will inspire several youngsters.

Koneru Humpy has also displayed… pic.twitter.com/l7fWeA3qLw

— Narendra Modi (@narendramodi) July 28, 2025

“19 வயதில் மிகப் பெரிய சாதனை” – ராகுல் காந்தி

நாடாளுமன்ற எதிர்க்கட்சித் தலைவர் ராகுல் காந்தி, “ஒரு உலக மேடையில் இரண்டு இந்தியப் பெண்கள். இந்த நாடு பெருமையால் ஒளிவீசுகிறது.

FIDE சதுரங்க உலகக் கோப்பையை வென்ற முதல் இந்தியப் பெண்ணாக 19 வயதில் மிகப் பெரிய சாதனையைப் படைத்துள்ளார் திவ்யா தேஷ்முக். கோனேரு ஹம்பி, ஒரு லெஜண்ட். இந்தியர்கள் மட்டுமே விளையாடிய இந்தப் போட்டியை வரலாறாக மாற்றியிருக்கிறார்.

இரண்டு சாம்பியன்களுக்கும் வாழ்த்துகள்” எனத் தனது எக்ஸ் தளப் பதிவில் வாழ்த்துக்களைப் பகிர்ந்துள்ளார்.

Two Indian women. One world stage. A nation beaming with pride.

At just 19, Divya Deshmukh achieved an extraordinary feat by becoming the first Indian woman to win the FIDE Chess World Cup. Across the board, Koneru Humpy, a legend in her own right, made this all-India final a… pic.twitter.com/6StnUS8HtI

— Rahul Gandhi (@RahulGandhi) July 28, 2025