திண்டுக்கல் மாநகர், ஒன்றியப் பகுதிகளில் திமுக உட்கட்சி கட்டமைப்பை விரிவாக்கம் செய்து புதிய நிர்வாகிகளை நியமித்தது போல் அதிமுகவும் தங்கள் கட்சி உட்கட்டமைப்பை மாற்றி அமைத்துள்ளது.
திண்டுக்கல் மாநகராட்சியில் மொத்தமுள்ள 48 வார்டுகளில் திமுக, அதிமுக கட்சிகள் 12 வார்டுகளுக்கு ஒரு வார்டு செயலாளர் என தலா 4 வார்டு செயலாளர்கள் நியமிக்கப்பட்டிருந்தனர். கடந்த மாதம் திமுக தனது கட்சி உட்கட்டமைப்பை மாற்றியமைத்து கூடுதலாக இரண்டு பகுதி செயலாளர்களை நியமனம் செய்தது. இதையடுத்து 8 வார்டுகளுக்கு ஒரு பகுதி செயலாளர்கள் என ஏற்கெனவே இருந்த 4 பகுதி செயலாளர்களுடன் புதிதாக 2 பேருக்கு பொறுப்பு வழங்கப்பட்டது.
