சேலம்: “தமிழக வெற்றிக் கழகத்தின் அரசியல் எதிரி திமுக. கொள்கை எதிரி பாஜக. எந்தக் காலத்திலும் பாஜக உடன் தவெக கூட்டணி அமைக்காது” என்று தவெக தேர்தல் மேலாண்மை குழு பொதுச் செயலாளர் ஆதவ் அர்ஜுனா தெரிவித்தார்.
தமிழக வெற்றிக் கழகத்தின் முதல் கொள்கை விளக்க பொதுக்கூட்டம் சேலம் போஸ் மைதானத்தில் இன்று (திங்கட்கிழமை) நடைபெற்றது. சேலம் மாவட்ட செயலாளர் பார்த்திபன் வரவேற்றார். வேலு நாச்சியார், அஞ்சலை அம்மாள், பெரியார் , காமராஜர், அம்பேத்கர் என தவெக கொள்கை தலைவர்கள் குறித்து கொள்கைகளை கட்சியின் கொள்கை பரப்பு மாநில இணைச் செயலாளர்கள் விளக்கிப் பேசினர்.
