சட்டமன்றத் தேர்தலை குறிவைத்து பல்வேறு அரசியல் கட்சிகளும், சமுதாய அமைப்புகளும் தங்கள் பலத்தை காட்டும் வகையில் மதுரையில் கூட்டங்களை நடத்தி வருகின்றனர்.
அந்த வகையில் மதுரை உள்ளிட்ட பல மாவட்டங்களில் கணிசமாக உள்ள சௌராஷ்டிர சமுதாயத்தைச் சேர்ந்த பிரமுகர்கள் மதுரையில் முன்னாள் காவல் துறை தலைவர் கே.ஆர்.எம். கிஷேர் குமார் ஐ.பி.எஸ் தலைமையில் நேற்று ஆலோசனைக் கூட்டம் நடத்தினர்.
கூட்டம் தொடங்குவதற்கு முன்னதாக முனிச்சாலைப் பகுதியில் பிரபல திரைப்பட பாடகர் டி.எம்.சௌந்தர்ராஜன் சிலைக்கு மாலை அணிவித்து மரியாதை செலுத்தி பின்னர் அங்கிருந்து ஊர்வலமாக புறப்பட்டு ஆலோசனைக் கூட்டம் நடைபெற்ற திருமண மண்டபத்திற்கு வந்தனர்.
சௌராஷ்ட்ர அரசியல் பிரதிநிதித்துவ தீர்மானக் கூட்டத்தில் பேசப்பட்ட கருத்துக்கள் குறித்து, கே.ஆர்.எம் கிஷேர்குமார் ஐ.பி.எஸ் செய்தியாளர்களிடம் பேசும்போது, “தமிழகத்தில் எங்கள் சமூக மக்கள் 24 லட்சத்திற்கும் மேற்பட்டோர் உள்ளனர். அதிக மக்கள் தொகை உள்ள எங்கள் சிறுபான்மை சமூகத்தைச் சேர்ந்த நபர்களுக்கு தேர்தல்களில் போட்டியிட வாய்ப்பு தர வேண்டும் என்று வலியுறுத்தி முக்கிய கட்சிகளின் தலைவர்களை சந்திக்க உள்ளோம். எங்கள் சமூக பிரமுகர்கள் தேர்தலில் போட்டியிட வாய்ப்பு அளிக்கும் கட்சிக்கு நாங்கள் ஆதரவு தெரிவிக்க உள்ளோம். எங்கள் சமூக மக்கள் அதிகம் வசிக்கும் ஊர்களாக மதுரை, கும்பகோணம் ஈரோடு, தஞ்சாவூர், சேலம் பரமக்குடி ஆகியவை உள்ளன.
மதுரையில் எங்கள் சமூகத்தினரால் உருவாக்கபப்பட்ட சௌராஷ்ட்ர கூட்டுறவு வங்கித் தேர்தலை எங்கள் சமூகத்தினரே நடத்துவதற்கு மாநில அரசு அனுமதிக்க வேண்டும். எங்களது சமூகத்தினரின் அரசியல் பிரதிநிதித்துவம் தொடர்பான கோரிக்கைகளுக்கு ஆதரவு பெறுவது தொடர்பாக எங்களது சமூகத்தைச் சேர்ந்த அனைவரிடம் ஆதரவு பெறும் மிஸ்டு கால் இயக்கம் தொடங்கப்பட்டுள்ளது.
வருகிற 2026-ம் ஆண்டு சட்டச சபை தேர்தலுக்கு முன்பாக தமிழகத்தில் சௌராஷ்ட்ர பிரமுகர்கள் வசிக்கும் அனைத்து ஊர்களுக்கு சென்று எங்களது கருத்தை தெரிவித்து அவர்களது அதரவை பெறுவோம்” என்றார்
இந்தக் கூட்டத்தில் மருத்துவர் பி.ஆர்.ஜே. கண்ணன், உச்ச நீதிமன்ற வழக்கறிஞர் பிரசாந்த் சர்மிளா பிரகாஷ் உள்ளிட்டவர்கள் கலந்து கொண்டனர்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/46c3KEk
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
