புதுடெல்லி: நாடாளுமன்ற மாநிலங்களவை எம்.பி.க்கள் எண்ணிக்கையில் பாஜக சதம் அடிக்க உள்ளது. அக்கட்சி தலைமையிலான தேசிய ஜனநாயக கூட்டணிக்கு (என்டிஏ) பெரும்பான்மையை விட அதிகமாக 133 எம்.பி.க்கள் உள்ளனர். மொத்தம் 245 எம்.பி.க்களை கொண்ட மாநிலங்களவையில் 240 எம்.பி.க்கள் உள்ளனர்.
இதில் என்டிஏவுக்கு 133 எம்.பி.க்கள் உள்ளனர். இது பெரும்பான்மை 121-ஐ விட 12 அதிகம் ஆகும். இதில் பாஜகவுக்கு மொத்தம் 99 எம்.பி.க்கள் உள்ளனர். அடுத்து வரவிருக்கும் மாநிலங்களவை தேர்தலில் பாஜகவுக்கு சதம் அடிப்பதற்கு தேவையான ஓர் எம்.பி. கிடைக்கும் வாய்ப்புள்ளது.
