பழநி: பழநி கோயில் கல்லூரியில் முஸ்லிம் ஆசிரியர்கள் நியமிக்கப்பட்டுள்ளதாக பாஜக மூத்த தலைவர் ஹெச்.ராஜாவின் கருத்துக்கு, பழநி கோயில் கல்வி நிறுவனங்களின் துணை ஆணையர் வெங்கடேஷ் மறுப்புத் தெரிவித்துள்ளார்.
தஞ்சை மாவட்டம் கும்பகோணத்தில் பாஜக மூத்த தலைவர் ஹெச்.ராஜா செய்தியாளர்களிடம் பேசும்போது, “பழநி கோயில் நிதியில் கட்டிய கல்லூரியில் எப்படி முஸ்லிம் ஆசிரியர்களை நியமிக்க முடியும்?” என கேள்வி எழுப்பியிருந்தார். இதற்கு, பழநி கோயில் கல்வி நிறுவனங்களின் துணை ஆணையர் வெங்கடேஷ் மறுப்பு தெரிவித்து அறிக்கை வெளியிட்டுள்ளார்.
