பெங்களூர்: பெங்களூருவில் சாலையில் நடந்து செல்லும் பெண்களை அனுமதி இல்லாமல் வீடியோ மற்றும் புகைப்படங்கள் எடுத்து சமூக வலைதளங்களில் பதிவேற்றிய குற்றச்சாட்டில் 26 வயது இளைஞர் கைது செய்யப்பட்டுள்ளார்.
இன்ஸ்டாகிராம் பக்கம் ஒன்றில், பெங்களூருவில் உள்ள பிரபலமான சர்ச் தெருவில் எடுக்கப்பட்ட வீடியோ கிளிப்கள் தொடர்ச்சியாக வெளியிடப்பட்டு வந்தன. அந்தப் பக்கத்தில் பெரும்பாலும் பெண்கள் நடந்து செல்வது போன்ற வீடியோக்கள் மற்றும் புகைப்படங்கள் அடிக்கடி பகிரப்பட்டது. இந்த நிலையில், அந்த இன்ஸ்டாகிராம் பக்கத்தில் தனது அனுமதி இல்லாமலேயே தன்னுடைய வீடியோக்கள் பகிரப்பட்டதாக பெங்களூருவை சேர்ந்த பெண் ஒருவர் குற்றம்சாட்டினார்.
