புதுச்சேரி: புதுச்சேரி பாஜக தலைவர் பதவிக்கு வேட்புமனு தாக்கலில், முன்னாள் நியமன எம்எல்ஏ ராமலிங்கத்தை தவிர வேறு யாரும் மனு தாக்கல் செய்யாததால் புதுச்சேரி மாநில பாஜக தலைவராக நாளை அவர் முறைப்படி அறிவிக்கப்படுகிறார்.
புதுச்சேரி காங்கிரஸ் ஆட்சியில் சபாநாயகராக இருந்த வி.பி.சிவகொழுந்துவின் சகோதரரான வி.பி.ராமலிங்கம், 22-ம் தேதி மார்ச் மாதம் 1962 ஆண்டு பிறந்தார். இவர் 2019-ல் இருந்து காங்கிரஸ் கட்சியில் இருந்து பாஜகவில் இணைந்தார். அதன் பிறகு நடைபெற்ற சட்டமன்றத் தேர்தலில் பாஜகவின் வெற்றிக்காக பணியாற்றிய இவர் 2021-ம் ஆண்டு மே 11-ம் தேதி நியமன சட்டமன்ற உறுப்பினாக தேர்வு செய்யப்பட்டார்.
