சென்னை: அதிமுக பொதுச்செயலாளர் பழனிசாமி, "மக்களை காப்போம்- தமிழகத்தை மீட்போம்" என்ற தொடர் பிரச்சார சுற்றுப்பயணத்தை கோவை மாவட்டம் மேட்டுப்பாளையம் தொகுதியில் வரும் ஜூலை 7-ம் தேதி தொடங்குகிறார்.
சென்னை வானகரத்தில் கடந்த ஆண்டு டிசம்பர் மாதம் நடைபெற்ற அதிமுக பொதுக்குழு கூட்டத்தில் பேசிய பொதுச்செயலாளர் பழனிசாமி, "இந்த ஆண்டு ஜனவரி மாத இறுதியில் தொகுதி வாரியாக சுற்றுப்பயணம் வர இருக்கிறேன். அங்கு மக்களை சந்தித்து, திமுக அரசின் அவலங்களை விளக்க இருக்கிறேன்" என அறிவித்திருந்தார்.
