பறந்து போ: "இந்தப் படத்தை நீதான் எடுத்தியானு ராம்கிட்ட கேட்டேன்; காரணம்…" – நடிகர் சித்தார்த்

June 27, 2025
NewsEditor
Cinema
0

இயக்குநர் ராம் இயக்கத்தில், மிர்ச்சி சிவா, அஜு வர்கீஸ், அஞ்சலி, கிரேஸ் ஆண்டனி ஆகியோர் நடிப்பில் உருவாகியிருக்கும் படம் ‘பறந்து போ’.

இத்திரைப்படம் ஜூலை 4-ம் தேதி திரையரங்குகளில் வெளியாகவிருக்கிறது.

இந்நிலையில் இப்படத்தின் இசை வெளியீட்டு விழா நேற்று சென்னையில் நடைபெற்றது.

பறந்து போ

அதில் கலந்துகொண்டு பேசிய சித்தார்த், “‘பறந்து போ’ எங்களுடைய படம்தான்.

ராமினுடைய எல்லா படங்களும் என்னுடைய படம். என்னுடைய எல்லா படங்களும் ராமிடைய படம்.

ராமினுடைய எல்லா படங்களையும் முதலில் பார்த்த அனுபவம் இருக்கிறது.

அவருடைய கதைகளை எல்லாம் புத்தகங்களாகப் படித்துவிடுவோம். ‘பறந்து போ’ படம் எடுத்து முடித்தப் பிறகு நீதான் இந்தப் படத்தை எடுத்தயா? என்று ராமிடம் கேட்டேன்.

அந்தளவிற்கு ஜாலியாக, சந்தோஷமாக இருந்தது. அப்படியான ஒரு படம்தான் ‘பறந்து போ’.

ராம் எப்போதும் மனிதாபிமானத்தையும், ஒரு விஷயத்தை ஆழமாக யோசித்தும் படமாக எடுப்பார். ஆனால் அது எதுவும் இந்தப் படத்தில் எட்டிப் பார்க்கவில்லை. ரொம்ப ஜாலியாக இந்தப் படத்தை எடுத்திருக்கிறார்.