சென்னை: பாஜக கூட்டணியில் நீடிப்பதா, விலகுவதா? என்பது குறித்து மாவட்ட நிர்வாகிகளுடன் முன்னாள் முதல்வர் ஓ.பன்னீர்செல்வம் நேற்று அவசர ஆலோசனை நடத்தினார்.
தமிழகத்தில் 2026 தேர்தலுக்கான ஆயத்த பணிகளை அரசியல் கட்சிகள் ஏற்கெனவே தொடங்கிவிட்டன. திமுக கூட்டணி பலமாக உள்ளது. இதில் தேமுதிகவும் இணையும் என எதிர்பார்க்கப்படுகிறது. அதிமுக, பாஜகவுடன் கூட்டணி அமைத்துள்ளது. முன்னாள் முதல்வர் ஓ.பன்னீர்செல்வம், இப்போதும் பாஜக கூட்டணியில் இருப்பதாக கூறி வருகிறார். அதிமுகவுடன் இணையும் அவரது முயற்சிகள் வெற்றி வெறவில்லை. அதற்கான சாத்தியக்கூறும் தென்படவில்லை என தெரிகிறது.
