டூரிஸ்ட் ஃபேமிலி படத்தின் இயக்குநர் ஆட்டோவில் பயணித்த போது, அங்கு நடந்த ஒரு நெகிழ்ச்சியான சம்பவம் குறித்து தனது இன்ஸ்டாகிராம் பக்கத்தில் பகிர்ந்துள்ளார்.
அறிமுக இயக்குனரான அபிஷன் ஜீவிந்த், சசிகுமார், சிம்ரன், யோகி பாபு, எம் எஸ் பாஸ்கர் ஆகிய நடிகர் பட்டாளத்தை வைத்து டூரிஸ்ட் ஃபேமிலி என்னும் திரைப்படத்தை இயக்கியிருந்தார்.
இலங்கையைச் சேர்ந்த ஒரு தமிழ் குடும்பம் தமிழ்நாட்டுக்கு அகதிகளாக வந்து சந்திக்கும் சவால்களை காமெடி ஜனரில் மக்களுக்கு எடுத்துக்காட்டிருந்தனர்.
இந்த படத்திற்கு பொதுமக்கள் மத்தியில் நல்ல வரவேற்பு கிடைத்தது.
இந்த நிலையில் படத்தின் இயக்குநர் அபிஷன் ஜீவிந்த், ஆட்டோவில் பயணித்த போதும், பொது மக்களிடம் அந்த படம் எப்படி போய் சேர்ந்திருக்கிறது என்ற ஒரு நெகிழ்ச்சியான சம்பவம் குறித்து தனது இன்ஸ்டாகிராம் பக்கத்தில் பதிவிட்டிருந்தார்.
அந்தப் பதிவில் அவர் கூறியதாவது, ”நான் மாஸ்க் அணிந்து கொண்டு ஒரு ஆட்டோவில் வீடு திரும்பிக் கொண்டிருந்தபோது, அண்ணா (ஆட்டோ டிரைவர்) திடீரென்று யூடியூப்பில் “முகை மழை” பாடலைப் போட்டார். என் முகம் உடனடியாக பிரகாசித்தது, அவரிடம் படம் பிடித்திருக்கிறதா என்று நான் கேட்டேன். அவர், உடனே நான் டூரிஸ்ட் ஃபேமிலியை தியேட்டரில் மூன்று முறை பார்த்தேன். என் கைகளைப் பாருங்கள்! இந்தப் படத்தைப் பற்றிப் பேசுவதே எனக்கு மெய்சிலிர்ப்பை தருகிறது. அதுதான் எனக்கு மிகவும் பிடித்திருந்தது” என்றார்.
பின்னர் அவர் சசிகுமார் சாரின் கதாபாத்திரத்துடன் எவ்வாறு ஆழமாக இணைந்திருக்கிறார் என்பதைப் பற்றிப் பேசத் தொடங்கினார். குடும்பத்தின் எதிர்காலத்திற்காக கடுமையாகப் போராடிய தனது சொந்த தந்தையுடன் ஒப்பிட்டார். அவரது தந்தை இப்போது இல்லை, படத்தைப் பார்த்ததும் நினைவுகள் வந்ததாக, உணர்ச்சிவசப்பட்டு, கொஞ்சம் உடைந்து போனார்.
நான் டூரிஸ்ட் ஃபேமிலி படத்தின் இயக்குனர் என்று அவரிடம் சொன்னபோது, அவர் மகிழ்ச்சியில் மூழ்கி, படத்தின் மீதான தனது அன்பை முழு மனதுடன் வெளிப்படுத்தினார்.
என்ன ஒரு தருணம்! உங்கள் சிறிய பங்களிப்பினால் ஒருவர் புன்னகைக்கிறார், குணமடைகிறார் அல்லது ஆழமாக உணர்கிறார் என்பதை நீங்கள் உணரும்போது அந்த வகையான மகிழ்ச்சி உண்மையிலேயே அளவிட முடியாதது” என்று அந்த ஆட்டோ ஓட்டுநருடன் இருக்கும் புகைப்படத்தை பகிர்ந்து நெகிழ்ந்தார் அபிஷன் ஜீவிந்த்.
