புதுடெல்லி: திரிணமூல் காங்கிரஸ் கட்சியின் எம்.பி. மஹூவா மொய்த்ரா(50), உச்ச நீதிமன்ற வழக்கறிஞரும், பிஜு ஜனதா தள கட்சியின் முன்னாள் எம்.பி.யுமான பினாகி மிஸ்ராவை (65) ஜெர்மனியில் மணந்தார்.
திரிணமூல் காங்கிரஸ் கட்சியின் எம்.பி மஹுவா மொய்த்ரா. இவர் தனது கணவர் லார்ஸ் பிரார்சன் என்பவரை விவாகரத்து செய்திருந்தார். அதன்பின் ஜெய் ஆனந்த் என்ற வழக்கறிஞருடன் தொடர்பில் இருந்தார். மஹுவா மொய்த்ரா தனது நாடாளுமன்ற இ-மெயிலில், தொழிலதிபர் தர்ஷன் ஹிராநந்தினி என்பவரை கேள்வி எழுப்ப அனுமதித்து ஆதாயம் அடைந்தார் என குற்றச்சாட்டு எழுந்தது.
