Vedan: "எங்க 35 வருட அரசியலை 2 நிமிடத்துல சொல்லிடுறீங்க" – வேடனுடன் வீடியோ காலில் பேசிய திருமா

June 4, 2025
NewsEditor
General
0

விடுதலைச் சிறுத்தை கட்சித் தலைவரும் நாடாளுமன்ற உறுப்பினருமான தொல்.திருமாவளவன் ராப் பாடகரான வேடனிடம் வீடியோக்காலில் பேசிய வீடியோ இணையத்தில் வைரலாகி வருகிறது.

அந்த வீடியோக்காலில் பேசிய திருமாவளவன், “நான் கேரளாவிற்கு அடிக்கடி வருவேன்” என்று கூற, “அடுத்தமுறை கேரளாவிற்கு வரும்போது கண்டிப்பாக வீட்டுக்கு வாருங்கள் ஐயா” என்று வேடன் கேட்டுக் கொண்டிருக்கிறார்.

தொல்.திருமாவளவன் எம்.பி

“வரும் 14 ஆம் தேதி விடுதலைச் சிறுத்தைகள் கட்சி சார்பில் மிகப்பெரிய ஒரு பேரணியை நடத்தத் திட்டமிட்டிருக்கிறோம். உங்களால் வர முடியுமா? நீங்கள் வந்தால் தம்பிகள் எல்லோருக்கும் உற்சாகமாக இருக்கும்” என்று திருமாவளவன் கேட்க, “நான் ஒரு படத்தில் நடித்துக் கொண்டிருக்கிறேன். அதன் படப்பிடிப்பைப் பார்த்து விட்டு வர முடியுமா என்று சொல்கிறேன் ஐயா” என்றிருக்கிறார்.

தொடர்ந்து, “உங்கள் பாடல்கள் எல்லாம் புரட்சிகரமாக இருக்கின்றன. நீங்கள் சொல்லுகின்ற கருத்துக்கள் எல்லாம் புரட்சிகரமாக நன்றாக இருக்கின்றன.

நாங்கள் 35 வருடங்களாக அரசியலில் பேசி வரும் விஷயங்களை 2 நிமிட பாடல்களில் சொல்லிவிடுகிறீர்கள். தைரியமாக இருங்கள். நாங்கள் எல்லோரும் இருக்கிறோம். உங்களைப் பார்த்தது மிகவும் மகிழ்ச்சி” என்று வேடனிடம் பேசி இருக்கிறார் திருமாவளவன்.