திருப்பூர் ஊத்துக்குளி சாலை கோல்டன் நகர் கருணாகரபுரியில் உள்ள காலி இடத்தில் இளைஞர் ஒருவர், ஞாயிற்றுக்கிழமை இரவு, கொலை செய்யப்பட்டுச் சடலமாகக் கிடந்தார்.
இதைப் பார்த்த அப்பகுதி பொதுமக்கள் திருப்பூர் வடக்கு போலீஸாருக்கு தகவல் அளித்தனர். அதன்பேரில் அங்குச் சென்ற போலீஸார் சடலத்தைக் கைப்பற்றி விசாரணை நடத்தினர்.
அதில், இளைஞர் தலையில் கல்லைப் போட்டு கொலை செய்திருப்பது தெரியவந்தது. போலீஸார் நடத்திய விசாரணையில், கொலை செய்யப்பட்டவர் திண்டுக்கல் மாவட்டம் நத்தத்தைச் சேர்ந்த பிரகாஷ் (19) என்பதும், கோல்டன் நகரில் தங்கியிருந்து ஆட்டோ ஓட்டி வந்ததும் தெரியவந்தது.
இதையடுத்து, போலீஸார் நடத்திய தொடர் விசாரணையில், ஈரோடு மாவட்டம் பெருந்துறையில் அமைந்துள்ளது. அந்த பாலிடெக்னிக் கல்லூரியில் ஏற்பட்ட தகராறு கோல்டன் நகரைச் சேர்ந்த இரண்டு மாணவர்கள் தனித்தனிக் குழுவாகப் பிரிந்து மோதிக்கொண்டனர்.
கொலை செய்யப்பட்ட பிரகாஷ் ஒரு தரப்பு மாணவர்களுக்கு ஆதரவாக மற்றொரு தரப்பு மாணவர்களைத் தாக்கியுள்ளார்.
இதில் ஏற்பட்ட முன்விரோதம் காரணமாக ஒரு தரப்பைச் சேர்ந்த மாணவர்கள் சிலர், பிரகாஷைத் தாக்க வேண்டும் என்று திட்டமிட்டுள்ளனர்.
கடந்த ஞாயிற்றுக்கிழமை இரவு கருணாகரபுரியில் உள்ள உணவகத்தில் சாப்பாடு வாங்க பிரகாஷ் சென்றுள்ளார். இதை நோட்டமிட்ட ஒரு தரப்பு மாணவர்கள் பிரகாஷை அழைத்துச் சென்று தாக்கி, தலையில் கல்லைப் போட்டு கொலை செய்ததுள்ளனர்.
பிரகாஷ் உயிரிழந்ததால், அங்கிருந்து அவர்கள் தப்பிச் சென்றது தெரியவந்தது. இந்தக் கொலை தொடர்பாக கருணாகரபுரியைச் சேர்ந்த தருண்குமார் (20), பாலிடெக்னிக்கில் படிக்கும் 16 வயது மாணவர், பிளஸ் 2 முடித்த 17 வயதைச் சேர்ந்த 4 சிறுவர் உள்பட 6 பேரைத் திருப்பூர் வடக்கு போலீஸார் கைது செய்தனர்.
கல்லூரியில் ஏற்பட்ட மோதலில் மாணவர்களால் ஆட்டோ ஓட்டுநர் கொலை செய்யப்பட்டுள்ளது திருப்பூரில் அதிர்ச்சியை ஏற்படுத்தி உள்ளது.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும் https://bit.ly/3OITqxs
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3OITqxs
