புதுடெல்லி: ‘‘பாகிஸ்தானை சேர்ந்த 5 லட்சத்துக்கும் மேற்பட்ட பெண்கள், திருமணத்தின் மூலம் இந்தியாவுக்குள் வந்துள்ளனர். இதுபோன்ற தீவிரவாதத்தின் புதுமுகத்தை எதிர்த்து எப்படி போராட போகிறோம்?’’ என்று பாஜக எம்.பி. நிஷிகாந்த் துபே விமர்சித்துள்ளார்.
காஷ்மீரின் பஹல்காமில் கடந்த 22-ம் தேதி தீவிரவாதிகள் நடத்திய தாக்குதலில் 26 சுற்றுலா பயணிகள் உயிரிழந்தனர். இதையடுத்து, பாகிஸ்தானியர்களின் அனைத்து விதமான விசாக்களையும் மத்திய அரசு ரத்து செய்தது. அத்துடன் இந்தியாவை விட்டு வெளியேற உத்தரவிட்டது.
