சென்னை: சென்னையில் நேற்று நடைபெற்ற அதிமுக மாவட்ட பொறுப்பாளர்கள் ஆலோசனை கூட்டத்தில் பேசிய கட்சியின் பொதுச்செயலாளர் பழனிசாமி 2026-ல் அதிமுக ஆட்சி அமையும் என்று தெரிவித்துள்ளார்.
அதிமுக, பாஜகவுடன் கூட்டணி அமைத்த நிலையில், 2026 சட்டப்பேரவை தேர்தல் ஏற்பாடுகளை முடுக்கிவிட்டுள்ளது. கட்சி எம்எல்ஏக்களை உற்சாகப்படுத்தும் விதமாக கடந்த ஏப்.23-ம் தேதி, சென்னை பசுமைவழிச் சாலையில் உள்ள இல்லத்தில், அதிமுக எம்எல்ஏக்கள் அனைவருக்கும் அசைவ விருந்தளித்தார் பொதுச்செயலாளர் பழனிசாமி. இன்று மாவட்ட செயலாளர்கள் கூட்டத்தையும் கூட்டியுள்ளார். வரும் மே 2-ம் தேதி கட்சி செயற்குழு கூட்டத்தையும் கூட்டியுள்ளார்.
